Xətai rayonu, Məhəmməd Hadi küçəsində yol kənarında saxlanılan avtomobillər ictimai nəqliyyatın hərəkətində ciddi çətinliklər yaradıb.
Bakuplus.az-ın məlumatına görə, problemlə bağlı yayılmış görüntülərdə ərazidə yolun kifayət qədər dar olduğu, kənarda saxlanılan avtomobillərin isə hərəkəti daha da məhdudlaşdırdığı görünür.
Sakinlərin sözlərinə görə, küçədə gün ərzində azı 4-5 yol-nəqliyyat hadisəsi baş verir. Qarşı-qarşıya gələn avtomobillər eyni vaxtda yoldan keçə bilmədiyi üçün avtobus sürücüləri də geriyə hərəkət etmək məcburiyyətində qalırlar.
Şikayətçi, həmçinin avtobusun yol kənarında park edilmiş avtomobillərdən birinin yan güzgüsünü s!ndırdığını iddia edib.
Məsələ ilə bağlı Baş Dövlət Yol Polisi İdarəsinə sorğu ünvanlanıb.