Bakıda kişi ondan boşanmaq istəyən arvadını döyüb.
Hadisə Xətai rayonu, NZS qəsəbəsində baş verib.
Belə ki, 1985-ci il təvəllüdlü Şakir Mehdiyev evə içkili vəziyyətdə gələrək həyat yoldaşı Məhbubə Mehdiyeva (ad-soyadlar şərtidir) ilə ondan boşanmaq istəməsinə görə mübahisə edib, daha sonra qadının müxtəlif nahiyələrinə zərbələr endirib.
Hadisə ilə bağlı zərərçəkən qadın polisə şikayət edib. Ş.Mehdiyevin əməli ilə bağlı Cinayət Məcəlləsinin 128-ci maddəsi ilə cinayət işi açılıb.
Xətai Rayon Məhkəməsində keçirilən prosesdə zərərçəkən qadın ərini bağışlamadığını, ondan şikayətçi olduğunu bildirib.
Məhkəmənin hökmünə əsasən, təqsirləndirilən şəxs 1000 manat məbləğində cərimələnib.
Mənbə: xitab24.az