27 sentyabr 2020-ci ildən Ermənistanın Azərbaycana qarşı növbəti hərbi təcavüzü baş vermişdir. Cavab olaraq Azərbaycan Respublikası Silahlı Qüvvələri Ali Baş Komandanın rəhbərliyi ilə işğal altındakı torpaqlarımızın azad edilməsi məqsədilə əks-hücuma başlamışdır. 44 günlük Vətən müharibəsi nəticəsində Azərbaycan ordusu Ermənistan tərəfindən işğal olunan torpaqlarımızı azad etdi.
Müdafiə Nazirliyinin son məlumatına əsasən, İkinci Qarabağ müharibəsi zamanı Silahlı Qüvvələrimizin 2908 nəfər hərbi qulluqçusu həlak olmuş, 6 nəfər hərbi qulluqçu itkin düşmüş, 5000 nəfərdən artıq hərbi qulluqçu yaralanaraq sağlamlığını itirmişdir.
Azərbaycanın ərazi bütövlüyü yolunda şəhid olmuş əsgər və zabitlərimizə ehtiram əlaməti olaraq, Azərbaycan Respublikasının Prezidenti İlham Əliyevin 2 dekabr 2020-ci il tarixli Sərancamı ilə hər il sentyabrın 27-sinin respublikada Anım Günü kimi qeyd edilməsi qərara alınmışdır.
Şəhidlərimizin ruhu qarşısında baş əyirik!
