50-dən çox azərbaycanlı Parisdə Senatın binası qarşısında aksiya keçirib. Bu haqda BakuPlus.az AzFront-a istinadən bu gün, 13 noyabr tarixində xəbər verir.
Həmyerlilərimiz əllərində dövlət bayraqları və plakatlarla öz etirazlarını bildirməyə çalışıblar. Plakatların üzərində “Fransanı öldürülən azərbaycanlı uşaqlar maraqlandırmır” kimi yazılar yazılıb.
Etirazçılar arasında əsasən qadınlar və uşaqlar olub. Onlar noyabrın 15-də Senatın anti-Azərbaycan qətnaməsi ilə bağlı səsverməyə öz etirazlarını bildiriblər.
Əli avtomatlı polis və jandarm əməkdaşları aksiyada iştirak edən azərbaycanlı qadın və uşaqları oradan uzaqlaşdırıblar.
