"Xalq artisti" adını artıq gözləsəm də vaxtı keçib. Onu mən çox-çox əvvəllər almalı idim. Məni Mədəniyyət Nazirliyi seçim qarşısında qoydu: ya Xalq artisti, ya da Prezident təqaüdü, hansını istəyirsən? Təbii ki, mən Prezident təqaüdünü seçdim".
Bu sözləri Əməkdar artist Zemfira Sadıxova apa.az-a müsahibəsində deyib. Aktrisa "Xalq artisti" fəxri adını ala bilməməsindən danışıb.
O bildirib ki, mədəniyyət naziri Adil Kərimli artıq fəxri adların verilməsinin ləğv edildiyin deyib:
"Çünki 250 manat pensiya ilə dolanmaq mümkün deyildi. "Xalq artisti" adı da qaldı. İndi isə heç kimə ad vermirlər. Mən 60 ildir ekrandayam, amma heç ev də ala bilmədim, indi də qızımın yanında yaşayıram.
Mənə mədəniyyət naziri Adil Kərimli şəxsən dedi ki, artıq heç kəsə fəxri ad verilmir, bu sistem ləğv olunub".
