Bakının Nizami rayonu, Qara Qarayev prospektində, “8 kilometr” bazarının yaxınlığında ikizolaqlı yolun hər iki tərəfində avtomobillər park edilir. Sürücülər hər iki tərəfdə qoyulan yol nişanlarına məhəl qoymurlar. Bu haqda bu gün, 4 noyabr tarixində Bakuplus.az Xəzər Xəbər-ə istinadən məlumat verir.
Çəkiliş zamanı yol kənarındakı parkinq nəzərətçilərinə (parkovşiklər) də rast gəlinib. Lakin onlardan biri kameranı görəndə “parkovşik” olmadığını iddia etməyə başlayıb.
Ərazidə 6 mərtəbəli 385 avtomobil üçün nəzərdə tutulmuş müasir parkinq var. Qiymətlərə gəlincə, 2 saata görə ödəniş 1 manat, 6 saata görə 2 manat, 12 saata görə 3 manat, bir günlük isə 4 manatdır.
Bakı şəhər Baş Dövlət Yol Polisi İdarəsinin baş inspektoru Araz Əsgərli bildirib ki, dövlət nişanının tələblərini pozaraq avtomobilin yolun kənarında saxlanması inzibati qayda pozuntusudur.
Onun sözlərinə görə, yol polisi əməkdaşları dayanma-durma qaydalarını pozanlara qarşı mütəmadi reydlər keçirirlər. Qanunu pozanlar 20-40 manat cərimə olunurlar.
[caption id="attachment_77807" align="alignnone" width="640"]
Foto Xəzər Xəbərin rəsmi Youtube kanalı[/caption]
