Ağ şəhərdə yeni küçələrin inşasına başlanılıb. Bu barədə Azərbaycan Avtomobil Yolları Dövlət Agentliyi 9 dekabr tarixində məlumat yayıb.
Ağ Şəhərdə yol infrastruktur layihələri çərçivəsində müxtəlif uzunluqlara malik 2 və 4 hərəkət zolaqlı 12 küçə inşa edilir.
Ərazidə mazutlu və texnogen mənşəli yararsız qrunt 2 metrə yaxın dərinlikdə qazılaraq çıxarılıb və ərazidən uzaqlaşdırılıb. Əvəzində isə yararlı karxana materialından yol geyiminin əsası inşa olunur. 2022-ci il ərzində 820 min kubmetr yararsız material qazılaraq ərazidən uzaqlaşdırılıb və əvəzinə 680 min kubmetr yararlı karxana materialından geri dolğu işləri görülərək yeni yol yatağı inşa edilib, zəruri olan bütün yeraltı kommunikasiya xətləri çəkilib.
Layihəyə uyğun olaraq, yol əsasının inşası işləri aparılıb, 55 min kv.m piyada səkisi inşa olunub, hazırda üzərinə 85 min kv.m tamet daşları döşənir, səki və yol ayırıcılarının kənarlarına 25 min poqonometr qranit-mərmər səki daşı düzülüb, yolların kənarlarında (səkilərdə) 650 müxtəlif növ ağac əkilib, müasir üslublu 310 yol işıqlandırma dirəyi quraşdırılıb. Hazırda küçələr boyunca 76 min kv.m sahədə 3 laydan ibarət 27 sm qalınlığında asfalt-beton örtüyünün döşənməsi işləri icra olunur.
Bu günə kimi “Ağ şəhər” layihələri çərçivəsində ümumi uzunluğu 15.130 metr olan 43 küçə inşa edilərək təhvil verilib.
[caption id="attachment_82475" align="alignnone" width="640"]
Foto avtomobil yolları Dövlət Agentliyinin rəsmi saytı[/caption]
