Bakının Xətai rayonunda yeni yaradılan “Ağ Şəhər” kompleksinin ətrafındakı küçələr zibil poliqonuna çevrilib. Bu haqda bu gün, 7 yanvar tarixində Bakuplus.az məlumat verir.
Belə ki, Süleyman Vəzirov küçəsinin boş əraziləri məişət və inşaat tullantıları ilə, köhnə avtomobil təkərləri ilə doludur. Əksər hallarda belə zibilxanalar sökülən yaşayış binalarının yerində yaradılır.
Sakinlərin sözlərinə görə, zibillərin əsas mənbəyi Babək prospektinin yaxınlığında yerləşən avtomobil təmiri sexləridir. İnsanlar da bunu bu ərazidə məskunlaşmanın hazırda az olması ilə əlaqələndirirlər.
[URIS id=86043]
