Ali təhsil müəssisələrinə abituriyentlərin qeydiyyatı prosesi davam edir. Bəzi hallarda məzunlar qeydiyyat zamanı müəyyən çətinliklərlə üzləşirlər. Bu haqda bu gün, 3 sentyabr tarixində Bakuplus.az məlumat verir.
Elm və Təhsil Nazirliyindən verilən məlumata görə, ali təhsil müəssisələrinə bakalavriat səviyyəsinə daxil olmuş şəxslər qeydiyyat zamanı çətinliklə üzləşdikdə, aşağıdakı xidmətlərdən istifadə edə bilərlər:
- Elm və Təhsil Nazirliyinin Whatsapp xidməti: +994 51-206-78-48;
- Elm və Təhsil Nazirliyinin Çağrı Mərkəzi: 146-6;
- 5 və 7 saylı Bakı, 2 saylı Sumqayıt regional “ASAN xidmət” mərkəzləri,
- Elm və Təhsil Nazirliyinin Vətəndaşların Qəbulu Mərkəzi.
Elektron sistemdə qeydiyyat 12 sentyabr saat 23:59-da başa çatacaq. Abituriyentlər
https://portal.edu.az/ sistemində qeydiyyatdan keçərək “Ali və orta ixtisas təhsili müəssisələrinə tələbələrin qeydiyyatı” xidmətini seçməklə müraciət edə bilərlər.
