Kamal Abdullaya Fəxri doktor adı təqdim olunacaq. Bu haqda 7 oktyabr tarixində Bakuplus.az Azərbaycan Dillər Universitetinə (ADU) istinadən xəbər verir.
ADU-nun rektoru akademik Kamal Abdulla Rumıniyanın Piteşti Universitetinin Fəxri doktoru seçilib və ali təhsil ocağının rektoru Dumitru Kirleşan tərəfindən Rumıniyaya dəvət olunub.
Kamal Abdulla iki ölkə arasında təhsil və elm münasibətlərinin inkişafındakı xidmətlərinə, eyni zamanda rumın dilinin ADU-da yüksək səviyyədə tədrisinə, bu ölkənin mədəniyyətinin təbliğindəki müstəsna roluna görə bu fəxri ada layiq görülüb.
