Bakının Xətai rayonunda məktəbin qarşısında uşaqlara “şəhid ehsanı” adı ilə narkotik paylanması ilə bağlı Daxili İşlər Nazirliyi açıqlama verib. Bu haqda bu gün, 4 oktyabr tarixində Bakuplus.az DİN-ə istinadən məlumat verir.
Araşdırmalar zamanı müəyyən edilib ki, sözügedən fotoşəkil Xətai rayonundakı məktəbdə 12 yaşlı şagird tərəfindən çəkilib. Bu şagirdlə valideynlərinin iştirakı ilə profilaktik söhbət aparılıb. O, şirniyyatlara müxtəlif ədviyyatlar qataraq sözügedən şəkli çəkdirib.
İddiaya görə, o, sonradan “narkotik”i məktəbdə ona “tanımadığı şəxs verib kimi” yanlış təsəvvür yaradıb və məşhurluq qazanmaq üçün sosial şəbəkədə məlumat yayıb.
“Sonda valideynlərdən sosial şəbəkələrdə və WhatsApp qruplarında özündə heç bir reallığı əks etdirməyən həmin məsələyə aid səs yazılarına etibar etməməyi və yaymamağı xahiş edirik”, - açıqlamada deyilir.
