Dövlət İmtahan Mərkəzi (DİM) 2022/2023-cü tədris ili üçün Azərbaycanın ali təhsil müəssisələrinə qəbulun nəticələrini açıqlayıb. Bu haqda bu gün, 1 sentyabr tarixində Bakuplus.az məlumat verir.
Abituriyentlər və subbakalavrlar müsabiqənin nəticələri ilə DİM-in internet saytından, həmçinin “iş nömrəsini” Azercell, Bakcell, Nar, Naxtel və ya mobil operatorlar vasitəsilə “iş nömrəsi”ni və ya elektron ixtisas seçimi ərizəsindəki “7 rəqəmli kod”u 7727 nömrəsinə göndərməklə öyrənə bilərlər.
Ali təhsil müəssisələrinə qəbul olan abituriyentlərin siyahısı bu gün günortadan sonra satışa çıxarılacaq “Abituriyent” jurnalının 6-cı sayında dərc olunacaq.
Ali təhsil müəssisələrinə qəbul olan abituriyentlər 2 sentyabr saat 12:00-dan 12 sentyabr saat 23:59-dək portal.edu.az platformasında qeydiyyatdan keçməlidirlər. Əks halda bu, müvafiq ixtisasa qəbul olmaqdan imtina kimi qiymətləndiriləcək.
İxtisas qrupları üzrə qəbulun statistikası:
| İxtisas qrupu | Qəbul olunanlar (o cümlədən subbakalavrlar) | ||
| Ödənişli | Dövlət sifarişi əsasında | Cəmi | |
| I | 5314 (1196) | 10629 (0) | 15943 (1196) |
| II | 7599 (2813) | 3959 (43) | 11558 (2856) |
| III | 9393 (376) | 4556 (0) | 13949 (376) |
| IV | 1246 (229) | 2444 (179) | 3690 (408) |
| V | 2245 (60) | 1456 (31) | 3701 (91) |
| Cəmi | 25797 (4674) | 23044 (253) | 48841 (4927) |
