Azərbaycanlı gənc istedad ABŞ Universitetinin tarixinə düşüb. Bu haqda bu gün, 15 oktyabr tarixində Bakuplus.az Azərbaycan Universitetlərinə istinadən xəbər verir.
28 yaşlı fəlsəfə doktoru Hüseyn Abdulla ABŞ-nin Texas A&M Universitetinin tarixinə düşüb. O, "Tədqiqatda fərqlənməyə görə" “2022 Association of Former Students Distinguished Graduate Student Award” mükafatına layiq görülüb.
Hüseyn Abdulla 72 saylı məktəbi qızıl medalla bitirib, Qafqaz Universitetinə 690 balla daxil olub və oranı maksimal nəticə ilə - 100 balla bitirən ilk məzun olub.
O, ABŞ-nin Berkli Universitetində “Sənaye mühəndisliyi və əməliyyatlar tədqiqi” ixtisası üzrə magistratura təhsili alıb.
Hazırda Tennesi Universitetinin Haslam Biznes Kollecində tədarük zəncirinin idarə olunması kafedrasının dosentidir, istehsal və xidmət əməliyyatlarının idarə edilməsi fənnindən dərs deyir.
