Noyabrın 15-də Fransa Senatı Azərbaycana qarşı sanksiyaların tətbiqi ilə bağlı 6 deputatın təqdim etdiyi qətnaməyə baxacaq. Qətnamədə Azərbaycan liderlərinin əmlakının müsadirə edilməsi, qaz və neft tədarükünə embarqo qoyulması təklif edilir.
Azərbaycan xalqının bununla bağlı Senata və Fransa xalqına oktyabrın 11-də Mesopinions.com saytında dərc olunmuş müraciəti artıq 80.000 imza toplayıb.
Hazırda petisiya Fransanın internet saytında “Diqqət mərkəzində olan” bölməsinə daxil edilib.
Daha çox imzanın toplanması petisiyanın Senat tərəfindən ciddi qəbul ediləcəyinə və Fransa hakimiyyətinin qərarına təsir edəcəyinə daha çox əminlik verir.
Qətnaməni 2020-ci ildə Fransa hökumətini Dağlıq Qarabağın müstəqilliyini tanımağa çağıran eyni senatorlar - Bruno Retaio, Patrik Kanneri, Erve Marsey, Elian Asassi hazırlayıblar. Onlara daha iki deputat - Kristian Kambo və Gilbert-Lyuk Devinaz qoşulublar.
