Azərbaycan Texniki Universitetinin (AzTU) rektoru Vilayət Vəliyev 600-dən yuxarı bal toplayaraq universitetə qəbul olunan Rəvan Əlizadə, Əyyub Məmmədov, Ülviyyə Məmmədova və Tahirə Rəşidlə görüşüb. Bu haqda BakuPlus.az universitetə istinadən bu gün, 9 sentyabr tarixində xəbər verir.
Rektor imtahanda yüksək nəticə göstərərək tələbə adını qazanmaları münasibətilə onları təbrik edib, təhsillərində və gələcək həyatlarında uğurlar arzulayıb.
Son illər AzTU-da aparılan innovativ yeniliklərdən danışan Vilayət Vəliyev görülən hər bir işin tələbələrin yüksəkixtisaslı kadr kimi formalaşmasına xidmət etdiyini vurğulayıb.
Daha sonra tələbələrin sualları cavablandırılıb.
Rəvan Əlizadə 643,7 bal, Əyyub Məmmədov 628,5 bal, Ülviyyə Məmmədova 619,6 bal, Tahirə Rəşid 603,8 bal toplayıblar.
[caption id="attachment_69048" align="alignnone" width="1024"]
Foto AzTU-nun rəsmi saytı[/caption]
