Dövlət Yol Polisi “Qarabağ” - ”Frayburq” oyununa gələn azarkeşlərə müraciət edib. Bu haqda bu gün, 3 noyabr tarixində Bakuplus.az Bakı Şəhər Dövlət Yol Polisi İdarəsinə istinadən xəbər verir.
Qurum paytaxt sakinlərindən və azarkeşlərdən Tofiq Bəhramov adına stadiona və ətraf əraziyə gələn zaman fərdi avtomobillərdən istifadədən çəkinmələri və ictimai nəqliyyata üstünlük vermələrini xahiş edir.
Həmçinin zərurət yaranarsa, stadiona paralel və kəsişən küçələr müvəqqəti bağlana bilər.
“Oyunun keçirildiyi əraziyə 1 saat əvvəldən gəlməyi tövsiyə edirik”, - deyə qurumdan əlavə ediblər.
Daha öncə Bakı Metropoliteninin 3 stansiyasının saat 01:00-a qədər işləyəcəyi haqda məlumat verilmişdir.
