Avqustun 26-sı axşam saatlarında paytaxt məktəblərinin I sinfinə elektron sistem vasitəsilə 45 930 uşaq üçün müraciət göndərilib. Bu haqda bu gün, 27 avqust tarixində Bakuplus.az Bakı Şəhəri üzrə Təhsil İdarəsinin mətbuat xidmətinə istinadən məlumat verir.
Birinci sinif şagirdlərinin qeydiyyatı elektron qeydiyyat sistemi (https://mektebeqebul.edu.az/) vasitəsilə aparılır. Bu sistem valideynlərin rahatlığını təmin etmək və ümumilikdə uşaqların məktəbə qəbulu prosesini sadələşdirmək məqsədilə yaradılıb.
Bu müddət ərzində 8 124 valideyn dəstək mərkəzi ilə əlaqə saxlayıb. Daxil olan müraciətlərdən 1 549-u məktəblərdə fəaliyyət göstərən Alternativ qeydiyyat mərkəzlərində, 1 258-i onlayn Alternativ qeydiyyat mərkəzlərində (“WhatsApp”müraciətləri), 5 317-si isə sistemin “Əlaqə” bölməsində cavablandırılıb.
