Paytaxtın Xətai rayonu, 8 noyabr prospektində yerləşən 1 mənzil 2 nəfərə satılıb. Bu haqda bu gün, 23 dekabr tarixində Bakuplus.az İctimai TV-yə istinadən xəbər verir.
Belə ki, hər iki mülkiyyətçinin əlində rəsmi sənəd var, hər ikisi ödəniş edib, ancaq məhkəmə olsa da, problem həllini tapmayıb. Məsələ ondadır ki, sahiblərin birində mənzil 79 nömrə altındadır, digərində isə 83 nömrəli kimi göstərilir. Sadəcə mənzillər dəhlizə çıxarkən sağdan sola sayılan zaman problemli mənzil 79 saylı olur, soldan sağa sayılarsa, 83-cü mənzil kimi gedir. Bu səbəbdən də 1 mənzili 2 nəfərə satmaq qanuni mümkün olub.
Sakinlərin sözlərinə görə, sözügedən binada bu kimi problemlər çox olub. Binanı tikən MTK rəhbəri isə dələduzluq üstündə məsuliyyətə cəlb olunub.
