Bakıda növbəti "Şirin Rənglər" rəsm festivalı keçiriləcək. Bu haqda BakuPlus.az bu gün, 20 oktyabr tarixində xəbər verir.
8 Noyabr - Zəfər Gününə həsr olunmuş festival “BG Store” brendi, Azərbaycan Brendlər Birliyi və “Mosaic Group” şirkətinin birgə təşkilatçılığı ilə baş tutacaq.
Yarışda 4-12 yaşlı uşaqlar iştirak edə bilərlər.
İştirak üçün şərtlər:
- Mövzu: 8 Noyabr - Zəfər Günü;
- Format: A3;
- Rəsmlər çəkilən zaman qısa videoçarx hazırlanmalıdır və videoçarxda uşaq mütləq şəkildə görünməlidir;
- Əl işləri 31.10.2022-ci il tarixində saat 21:00-a qədər Dəniz Mall-da yerləşən “BG Store” mağazasına təqdim edilməlidir;
- Təqdim edilən rəsmin arxasında uşağın adı və soyadı, valideynin adı və soyadı, həmçinin valideynin nömrəsi qeyd edilməlidir;
- Rəsmlər təqdim edilən zaman şəkil ilə bağlı videoçarx da mağazanın WhatsApp nömrəsinə göndərilməlidir.
Festivalın qaliblərinə pul mükafatı təqdim ediləcək.
