Bakıda dünyaya gələn beşəmdən bir körpə vəfat edib. Bu haqda 6 sentyabr tarixində Oxu.az məlumat verib.
Avqustun 11-də Bakıda beş uşaq dünyaya gətirən M.G.-nin bir övladı dünyasını dəyişib. Onun dörd oğlu və bir qızı doğulmuşdur. Ailənin istəyi ilə digər dörd uşaq K.Y.Fərəcova adına Elmi-Tədqiqat Pediatriya İnstitutundan Bakıda yerləşən özəl klinikalardan birinə köçürülüb.
Körpələr 1260, 1020, 1030, 1300, 1180 qram çəkidə doğulublar. Onlarda tənəffüs çatışmazlığı, erkən doğulma ilə bağlı morfofunksional yetməməzlik əlamətləri qeyd olunub.
