Bakıda özünü maşınların altına atıb pul alan adam peyda olub. Bu haqda 28 oktyabr tarixində Oxu.az xəbər verib.
Məlum olub ki, Bakı küçələrinin birində yaşlı kişi qeyri-adi fırıldaqçılıq üsula əl atıb. O, özünü qəsdən maşının qarşısına atıb, daha sonra polisə şikayət etməməsi üçün sürücünü şantaj edərək pul tələb edib.
“Sürücülər belə mənəviyyatsız addımlar atan işbazların oyununa inanmasınlar, hadisə baş verən kimi dərhal hadisə yerinə polis əməkdaşlarını dəvət etsinlər”- Bakı Şəhər Dövlət Yol Polis İdarəsinin əməkdaşı polis mayoru Araz Əsgərli bildirib.
Qeyd edək ki, sürücü piyadaya yüngül xəsarət yetiribsə, İnzibati Xətalar Məcəlləsinin 327.8-ci maddəsinə uyğun olaraq 200 manat cərimə və yaxud məhkəmə tərəfindən bir ilədək sürücülük vəsiqəsindən məhrum olunur.
