Bakıda “Kişilər bərabərlik üçün danışır” adlı seminar keçiriləcək. Bu haqda 5 oktyabr tarixində Bakuplus.az məlumat verir.
Seminar 8 oktyabr saat 15:00-da “Qızlarımız və onların fərdi inkişafı” mövzusunda “Çinar” Kitab Evində baş tutacaq. İştirakçılar ilə birgə gender bərabərsizliyi və gender əsaslı zorakılığa yol açan stereotiplər müzakirə ediləcək. Giriş sərbəstdir.
Seminarın əsas məqsədi kişilərin cəlbi və iştirakçılığı ilə cəmiyyətdə qız uşaqlarının dəyərinin təşviq edilməsi və onların öz potensiallarını reallaşdıra bilmələri üçün bərabər imkanların əhəmiyyətini təbliğ etməkdir.
Beynəlxalq Qızlar Gününə həsr edilən seminar zamanı viktorina da təşkil olunacaq. Doğru cavab verən iştirakçılara hədiyyələr təqdim ediləcək.
