Bakıda Səidə Mirizadənin "Keçmişə səyahət" və "Sona Ərəblinskaya" kitablarının təqdimatı və imza günü baş tutacaq. Bu haqda bu gün 12 noyabr tarixində Bakuplus.az “Libraff”-a istinadən xəbər verir.
“Keçmişə səyahət” kitabı Azərbaycanın görkəmli xeyriyyəçisi Hacı Zeynalabdin Tağıyevin ailəsindən bəhs edir. Burada fotoşəkillər, tarixi sənədlər və müxtəlif nəşrlər yer alıb. Həmçinin xeyriyyəçinin qızı Sürəyya xanım Tağıyeva-Abdullayevanın, eləcə də onun övladları Dilarə və Rəsminin xatirələrinə də istinad olunub.
Tədbir 19 noyabr saat 15:00-da “Libraff” kitab mağazaları şəbəkəsinin Park Akademiya filialında başlayacaq. Giriş sərbəstdir. Ünvan: Hüseyn Cavid prospekti, 100, metronun “Elmlər Akademiyası” stansiyası ilə üzbəüz.
