Bakıda, Murad’s Farm-da oktyabrın 1-i və 2-də Farm Bazaar Xeyriyyə Yarmarkası keçiriləcək. Bu haqda bu gün, 26 sentyabr tarixində Bakuplus.az məlumat verir.
Yarmarkada “Friday Baku” və “Kruasan Bakery” tərəfindən qida zonası təşkil olunacaq. Həmçinin uşaqlar üçün xüsusi Sənət zonası ayrılacaq. Orada uşaqlar sənətkarlıq nümunələri, əl işləri düzəldə bilər və onları özləri ilə apara bilərlər.
Sərgidə yerli brendlərin orqanik məhsulları, oyuncaqları, kosmetika, gözəl keramika və digər məhsullarını almaq mümkün olacaq.
Ferma ərazisində ziyarətçilər atlar, ponilər, ceyranlar, eşşəklər kimi heyvanlarla tanış olaraq onlara yem verə biləcəklər. Heyvan yemi tədbirin girişində veriləcək.
Ustad dərslərinin cədvəli və iştirakçıların siyahısı daha sonra yerləşdiriləcək.
Giriş haqqı 15 manat (yalnız böyüklər üçün, 10 yaşa qədər uşaqlar sərbəst iştirak edə bilərlər) təşkil edir.
Toplanılan vəsaitin bir hissəsi təşkilatçılar tərəfindən şəhid ailələrinə yardım üçün yönəldiləcək.
