Bakıda qaydaları kobud şəkildə pozan xanım sürücünün videosu sosial şəbəkələrdə yayılıb. Bu haqda BakuPlus.az bu gün, 27 oktyabr tarixində xəbər verir.
Hadisə sosial şəbəkə istifadəçilərindən birinin başına gəlib. Oktyabrın 21-də paytaxtın Vaqif prospektində 99-EU-909 qeydiyyat nişanlı “Toyota Prado” markalı avtomobilin xanım sürücüsü ondan yol istəyib. Lakin bunun üçün şərait olmadığından xanıma yol verə bilməyib:
“Mən öz zolağımla qaydalar çərçivəsində hərəkət edən zaman xanım sürücü arxadan gələrək səs və işıq siqnalları ilə məndən yol istədi. Videodan da görünür ki, ona yol vermək üçün heç bir şəraitim yoxdur. Xanım sürücü qəzəblənərək qarşıma keçdi və mən manevr etdikcə o da manevr edərək qarşımı kəsməyə başladı. Daha sonra isə ötmə və manevr qaydalarını kobud şəkildə pozaraq yoluna davam etdi”, – deyə oxucu bildirib.
Əlimizdə videogörüntülərin tam versiyası olmadığından qadın sürücünün digərinə əsəbləşərək hansı səbəbdən bu hərəkətləri etməsinə izah verə bilmirik.
