Bakıda heyvanların odlu silahla öldürülməsindən bəhs edən uşaq kitabı nəşr olunub. Bu barədə İTV-nin aparıcısı Aysel Zahidqızı kitabın fotolarını da paylaşdığı İnstagram səhifəsində yazıb.
Heyvanlara qarşı amansızlıq məsələsinin tez-tez gündəmə gətirildiyi bir ölkədə qəddarlıqdan bəhs edən kitabların çap olunması aparıcını qəzəbləndirib.
View this post on Instagram
“Part, Part!” kitabınIN müəllifi iranlı Fərhad Həsənzadədir. Onun rəsmi saytında bu kitabın mesajı açıqlanır. Müəllif qeyd edir ki, kitabın məzmunu tamamilə fərqlidir.
“Part, Part!” dostluq və sevgi, zorakılıq və müharibədən qaçınma haqqında kiçik mətn və parlaq illüstrasiyalarla sadə hekayədir. Kitabın əsas ideyası oğlanla valideynləri arasındakı fərqi göstərməkdir.
Nağıl klişelərə qarşı çıxan və gənc nəsli böyüklərin davranışı haqqında düşünməyə, sorğu-sual etməyə və tənqid etməyə təşviq edən kitabdır.
Sayt onu da qeyd edir ki, bu, iranlı müəllifin Azərbaycanda çap olunan yeganə kitabı deyil. Oktyabrın 5-dən 9-dək keçirilən 8-ci Bakı Kitab Sərgi-Yarmarkasında Fərhad Həsənzadənin 3 yeni kitabı işıq üzü görüb.
