Son günlər mətbuatda və sosial şəbəkələrdə ölkədəki apteklərdə yod çatışmazlığı ilə bağlı xəbərlər yayılıb. Bakı sakinləri bildirirlər ki, bir aya yaxındır ki, yodu almaqda çətinlik çəkirlər. Bu haqda bu gün, 3 oktyabr tarixində Xəzər Xəbər-ə istinadən Bakuplus.az məlumat verir.
Analitik Ekspert Mərkəzi (AEM) dərmanların yoxa çıxmasının səbəbini müəyyən edib. Mərkəzin idxal-ixrac şöbəsindən bildirilib ki, ölkəyə yod idxalı üçün sonuncu müraciət bu ilin aprelində edilib: “O vaxtdan bəri yod üçün yeni idxal müraciətləri olmayıb. İndi yeni idxal müraciəti daxil olub ki, bu da apteklərdə yod çatışmazlığının yaxın gələcəkdə aradan qaldırılacağını göstərir.”
AEM-də mövcud olan məlumata əsasən, yod məhlulu Azərbaycan Respublikasında qeydiyyata alınıb, əsasən Rusiyada (Yaroslavl əczaçılıq zavodu), Ukraynada (Fitofarm) və Türkmənistanda (Sağlık Ezcacılıq Muessesi) istehsal olunur.
“Səhiyyə Nazirliyi və onun qurumları, eləcə də Analitik Ekspertiza Mərkəzi dərman preparatlarının tədarükündə iştirak etmir. Bu fəaliyyət özəl şirkətlər tərəfindən həyata keçirilir”, - açıqlamada qeyd edilib.
