Bakıda misirli şair və yazıçı Əşrəf Əbu Əl-Yazidlə görüş keçiriləcək. Bu haqda 10 sentyabr tarixində AZƏRTAC məlumat verib.
Görüş sentyabrın 17-də Bakıdakı Rus evində təşkil olunacaq. Tədbirdə Əşrəf Əbu Əl-Yazid “Qahirədə bir küçə” («Улица в Каире») adlı rus dilində ilk kitabını təqdim edəcək. Kitab rus dilinə Eldar Əhədov tərəfindən tərcümə olunub.
Əşrəf Əbu Əl-Yazid Asiya Jurnalistlər Assosiasiyasının prezidenti, “Manhe” Koreya mükafatı laureatı və ötən il İstanbulda keçirilən LiFFt Avrasiya ədəbi festivalının qızıl laureatıdır. Onun şeir və romanları dünyanın bir çox dillərinə tərcümə olunub.
Tədbirdə Azərbaycan Yazıçılar Birliyinin fəxri üzvü Eldar Əhədovun yeni kitabları da təqdim olunacaq. Giriş sərbəstdir.
