Bakı Şəhər İcra Hakimiyyəti (ŞİH) sahibsiz itlərlə bağlı problemi həll etmək üçün layihə üzərində işləyir. Bunu “Onlayn İctimai Nəzarət Platforması” layihəsinin rüblük yekunlarına həsr olunmuş “dəyirmi masa”da iştirak edən ŞİH-nin əməkdaşı Mirtural Mirsultanov deyib.
Mirsultanov qeyd edib ki, paytaxtda çoxlu sahibsiz itlər var: "Bu problem təkcə Bakı şəhərini deyil, bölgələri də əhatə edir. Təəssüf ki, bütün sahibsiz itlərlə birdən mübarizə aparmaq mümkün deyil. Amma tezliklə layihəmiz işə düşəcək. Həmin layihənin müsbət nəticələr verəcəyinə inanırıq".
