Bakıda “Qarabağı tanıt” mövzusunda təqdimat müsabiqəsinə start verilib. Bu haqda 30 sentyabr tarixində Bakuplus.az məlumat verir.
VIII-XI sinif şagirdləri arasında təşkil olunan müsabiqə iki mərhələdən (məktəb və şəhər (final) mərhələsi) ibarət olacaq. Şagirdlər Qarabağı tanıtmaq məqsədilə 1 dəqiqəlik videotəqdimat hazırlayacaqlar.
Şagirdlərin videotəqdimatları ilk olaraq məktəbdaxili mərhələdə qiymətləndiriləcək. Məktəb mərhələsində ən yüksək nəticə əldə etmiş 1 şagirdin videotəqdimatı 28 oktyabr tarixinədək ils.layiheler@baku.edu.gov.az ünvanına göndərilməlidir.
Müsabiqənin nəticəsinə əsasən, 14 şagird (3 nəfər I, 3 nəfər II, 3 nəfər III, 5 nəfər isə həvəsləndirici yer) qalib seçiləcək. Qaliblərə diplom və hədiyyələr təqdim olunacaq. 15 nəfər isə müxtəlif nomiasiyalar üzrə Təşəkkürnamə ilə təltif olunacaq.
