Bakı metrosuna girişə məhdudiyyətlər qoyula bilər. Bu haqda bu gün, 23 sentyabr tarixində Bakuplus.az Xəzər Xəbərə istinadən məlumat verir.
Son zamanlar metropolitendəki insan sıxlığı sərnişinlərin narazılığına səbəb olur. Onlar bir neçə qatar buraxmalı olurlar, bəzən metroya girməyə belə çətinlik çəkirlər, həmçinin bəzi sərnişinlərin havasızlıqdan halı pisləşir.
“Bakı Metropoliteni” QSC-nin mətbuat katibi Bəxtiyar Məmmədov məsələ ilə bağlı bildirir ki, uzaq perpektivdə həlli yeni stansiyaların tikintisidir, ancaq sıxlığı indi azaltmaq üçün stansiyalara giriş məhdudlaşdırıla və sərnişinlərin içəri daxil olması tənzimlənə bilər.
