Avqustun 30-da ölkə ərazisində 11 mindən çox ibtidai sinif müəllimi təhsilverənlərin sertifikatlaşdırılması imtahanında iştirak edib. Onlardan Bakı məktəblərini təmsil edən 7 nəfər ən yüksək nəticə göstərərək 60 bal toplayıb. Bu haqda bu gün, 1 sentyabr tarixində Qafqazinfo məlumat verib.
60 bal toplamış müəllimlərin siyahısı:
- Xəyalə Xələfova - 245 nömrəli tam orta məktəb;
- Aysel Məmmədova - 320 saylı tam orta məktəb;
- Fərahnaz Nağıyeva - 313 nömrəli tam orta məktəb;
- Güllü Şirinova - 166 saylı məktəb-lisey;
- Jalə Mehdiyeva və Güney Həsənova - 129 nömrəli tam orta məktəb;
- Sevil İbrahimova - 21 saylı tam orta məktəb.
Bu gün rus bölməsi üzrə ibtidai sinif müəllimlərinin imtahanı keçiriləcək.
Həmçinin ilk dəfə uğur qazana bilməyən müəllimlər yenidən attestasiyada iştirak etmədikcə dərs yükü və əməkhaqqı azalmayacaq. Attestasiyadan keçən müəllimlərin əməkhaqqına 10 faiz, test imtahanından keçərək 50-dən yuxarı bal toplayan müəllimlərin əməkhaqqına 35 faiz əlavə olunacaq.
