Xəzər rayonunda gənclər arasında bilik yarışması keçirilib. Bu haqda 1 sentyabr tarixində Bakuplus.az Xəzər RİH-yə istinadən məlumat verir.
Binə Mərkəzi Kitabxanasında "Bilik yarışması" təşkil olunub. Yarış Xəzər Rayon İcra Hakimiyyətinin dəstəyi, Xəzər Rayon Gənclər və İdman İdarəsi və “AudioKitab” Tətbiqinin birgə təşkilatçılığı ilə həyata keçirilib.
Müxtəlif mövzular üzrə 3 mərhələdən ibarət yarışmada 18 gənc iştirak edib və onlardan 4 nəfər yüksək yer tutaraq, diplom və hədiyyələrlə təltif olunub:
I yer - Ələddin Fərhadov;
II yer - Səkinə Ağayeva;
III yer - Günay Əhmədova;
IV yer - Nəzrin Məlikova.
Sonda tədbir iştirakçıları ilə xatirə şəkli çəkilib.
