Paytaxtın Binəqədi rayonu, Əcəmi Naxçıvani küçəsində 2 yaşayış binası qazlaşdırılmayıb. Bu haqda bu gün, 5 yanvar tarixində Bakuplus.az ATV-yə istinadən xəbər verir.
Adıçəkilən küçənin 33A və 33B binalarında 31 ildir qaz xətti mövcud deyil. 96 ailənin yaşadığı tikililər inşa olunandan bu günə qədər qazla təmin olunmayıb. Buna görə də sakinlər məcbur qalaraq evlərinə qaz balonları quraşdırmalı olublar. Bu da onların həyatı üçün böyük təhlükə yaradır.
“Qaz yoxdur deyə ayda 200 AZN işıqpulu verirəm. Bir az yağış yağan kimi binada soyuqdan yaşamaq mümkün olmur”, - deyə sakinlər şikayət edirlər.
Rəsmi qurumlar məsələ ilə bağlı bildiriblər ki, sözügedən binaların qazlaşdırılması üçün artıq layihə hazırlanıb və cari il ərzində müvafiq tədbirlər görüləcək.
