Binəqədi rayonunda fəaliyyət göstərən ictimai iaşə müəssisəsində nöqsanlar aşkar olunub. Bu haqda 6 oktyabr tarixində Bakuplus.az Azərbaycan Respublikasının Qida Təhlükəsizliyi Agentliyinə istinadən xəbər verir.
AQTA Binəqədi rayonu, E.Babayev, 30/24 ünvanında fəaliyyət göstərən fiziki şəxs Əhmədova Kəmalə Hicran qızına məxsus “Craft Pub” ictimai iaşə müəssisəsində plandankənar yoxlama keçirib.
Yoxlama zamanı qida təhlükəsizliyi sahəsində normativ hüquqi aktların, sanitariya norma və qaydalarının tələblərinin pozulduğu aşkar olunub. Aşkar edilmiş pozuntularla bağlı müəssisə rəhbərliyi inzibati məsuliyyətə cəlb edilib, nöqsanların aradan qaldırılması üçün icrası məcburi göstərişlər verilib və bu sahədə qanunvericiliyin tələbləri izah olunub.
