Bakıda daha iki sinfin bütün şagirdləri ali məktəbə qəbul olunublar. Bu haqda 2 sentyabr tarixində Milli.az məlumat verib.
Binəqədi rayonunda yerləşən 314 nömrəli məktəbin 11B sinfini bitirən bütün məzunlar bu il universitetə qəbul olunublar.
Belə ki, sinfin 20 məzunu qəbul imtahanlarında uğurlu nəticə göstərərək tələbə adını qazanıb.
Həmçinin Xətai rayonunda 58 saylı tam orta məktəbin 11B sinfinin bütün şagirdləri də ali təhsil müəssisəsinə daxil olmaqla 100 faiz nəticə əldə ediblər.
Bundan öncə Bakının Sabunçu rayonunda yerləşən 90 nömrəli tam orta məktəbin 11A sinfini bitirən bütün məzunların tələbə adını qazandığı barədə xəbər vermişdik.
