Bu gün 1 sentyabr tarixində şəhid polkovnik Fizuli Cavadovun doğum günüdür.
Fizuli Cavadov ötən il noyabrın 30-da Xızı rayonu ərazisində yerləşən “Qaraheybət” aviasiya poliqonunda DSX-yə məxsus helikopterin qəzaya uğraması nəticəsində şəhid olub.
O, 1966-cı ildə Bakının Zirə qəsəbəsində anadan olub. Şəhid polkovnik pilot kimi Birinci Qarabağ müharibəsində iştirak edib. Vətən müharibəsində isə döyüş təyyarələrinin komandiri olub. Müharibədə iştirakına görə 3-cü dərəcəli “Vətənə xidmətə görə” ordeni ilə təltif olunub.
Fizuli Cavadov atası Əlibram Cavadovun vəfat etməsindən bir həftə sonra helikopter qəzasında həlak olub.
Şəhid polkovnikin Nərmin və İkram adında iki övladı var. Nərmin Cavadova da DSX-də xidmət edir.
Xızıda baş vermiş sözügedən qəza nəticəsində DSX-nin 14 hərbçisi şəhid olmuş, ikisi isə yaralanmışdır.
