Sosial şəbəkələrdə məktəblilər arasında baş verən mübahisənin səbəbləri açıqlanıb. Bu haqda 4 oktyabr tarixində Bakuplus.az məlumat verir.
Məlum olub ki, 112 saylı tam orta məktəbin 9-cu sinif şagirdlərindən biri digərinin ünvanına nalayiq ifadələr işlətdiyi üçün onunla mübahisə edib. Daha sonra mübahisə davaya çevrilib.
Hər iki məktəbli valideynləri ilə birgə polis orqanına dəvət olunub və onlardan izahatlar alınıb. Xəsarətin dərəcəsini müəyyənləşdirmək üçün tibbi ekspertiza təyin olunub.
Hazırda faktla bağlı araşdırma davam edir.
Bundan əvvəl sosial şəbəkədə orta məktəbin sinif otağında şagirdin digər şagird tərəfindən döyülməsı ilə bağlı videogörüntülər yayılıb.
