Damla geyiminə görə yenə tənqid olunub. Bu haqda 29 avqust tarixində Bakuplus.az məlumat verir.
Müğənni Damla avqustun 28-də Nərimanov rayonunda, Heydər Əliyev Mərkəzinin parkında verdiyi konsertdəki səhnə geyimi ilə yenidən diqqət çəkib.
Müğənni qara bot, qısa köynək və şort-şalvarda səhnəyə çıxıb. Konsert anşlaqla keçsə də, onun geyimi bir çox izləyicilər tərəfindən bəyənilməyib və sosial şəbəkələrdə tənqid olunub.
Həmçinin aparıcı Tolik Damlanı tənqid edib:
"Bu geyim Damlanın bədən quruluşuna uyğun deyil. Yaxşı qızdır, həm safdır, həm ağıllıdır, həm də biclik edir. Bilir ki, belə geyinsə, hamı yazacaq. Damla pul buraxır, gözəl kliplər çəkir, amma işləri gündəm olmur. Bu da müğənninin ən böyük uğursuzluğudur. Gərək müğənninin klipi də, hər layihəsi də gündəm olsun. Geyimləri də zövqsüz: biri var brend ola, biri də var Cey Lonun "kitayski poddelkası".
Bundan əvvəl Damla Naxçıvanda konsert verib və çıxış zamanı onun geyindiyi pencəyin altından parıltılı daşlarla bəzənmiş büstqalteri görünüb. Müğənninin geyimi izləyicilər tərəfindən birmənalı qarşılanmayıb.
