Paytaxtın Binəqədi rayonu, Sulutəpə qəsəbəsi, 1 ünvanında yerləşən “Eurohome” tikinti materiallarının satışı mərkəzində qanun pozuntuları aşkarlanıb. Bu haqda bu gün, 29 dekabr tarixində Bakuplus.az Fövqəladə Hallar Nazirliyinə istinadən xəbər verir.
Aparılan yoxlamalar zamanı məlum olub ki:
- Obyektin elektrik təchizatı və elektrik qurğuları qaydalara uyğun quraşdırılmayıb;
- Mərkəzin ərazisindəki kafe və ticarət sahələrində elektrik təchizatı yanğın təhlükəsizliyi qaydalarına uyğun istismar olunmur;
- Obyektin istismarı Dövlət Yanğın Nəzarəti Xidməti ilə razılaşdırılmayıb;
- Mərkəz ilkin yanğınsöndürən alət və vasitələrlə tam təmin olunmayıb;
- Mərkəz yanğın su hovuzunun doldurucu su xətti ilə təmin olunmayıb, yeri müvafiq işarələrlə göstərilməyib və üzərində şəxsi avtomobillər park edilib.
Aşkar olunan faktlarla bağlı “Eurohome” tikinti materiallarının satışı mərkəzinin fəaliyyəti qismən məhdudlaşdırılıb, sahibkarlar isə məsuliyyətə cəlb olunublar.
[URIS id=85119]
