Fövqəladə Hallar Nazirliyi hava şəraiti ilə bağlı yol hərəkəti iştirakçılarına müraciət edib. Bu haqda 23 sentyabr tarixində Bakuplus.az FHN-ə istinadən xəbər verir.
Milli Hidrometeorologiya Xidmətinin məlumatına görə, sentyabrın 23-dən 24-nə keçən gecədən başlayaraq tədricən ayın 26-dək ölkə ərazisində hava şəraitinin qeyri-sabit keçəcəyi gözlənilir. Bununla əlaqədar, Fövqəladə Hallar Nazirliyi təhlükəsizlik qaydalarına riayət etməyə çağırır.
Nazirlikdən sürücülərə meteoroloji şəraitə uyğun sürət həddi seçmək, nəqliyyat vasitələrini tikinti işləri aparılan yerlərin, ağacların, reklam lövhələrinin yaxınlığında saxlamamaq tövsiyə edilir. Müraciətdə piyadalara yalnız müəyyən olunmuş yerlərdən keçmələri, yeni tikililərin, hündürmərtəbəli binaların yaxınlığında hərəkət edərkən təhlükəsiz yerləri seçmələri məsləhət görülür.
Həmçinin piyadalara açıq hava şəraitində hərəkətlərini mümkün qədər məhdudlaşdırmaqları tövsiyə edilir.
