Binəqədi rayon sakinləri natəmiz şəraitdən narazıdırlar. Bu haqda 30 sentyabr tarixində Bakuplus.az Aztv-yə istinadən xəbər verir.
150 ailənin yaşadığı Gülüstan qəsəbəsi, 15, 17 ünvanlarının qarşısında məişət tullantıları və çırkab suların toplanması nəticəsində yaranan gölməçə sakinlərə rahat yaşamağa imkan vermir. Sakinlər bildirirlər ki, kanalizasiyanın qabağı tutulduğundan çirkab sular geri qayıdaraq mənzillərin zirzəmisinə dolur, nəticədə evdə nəmişlik, antisanitar vəziyyət hökm sürür və mənzillərin divarlarında çatlar yaranır. Zibil konteynerləri az olduğundan sakinlər məişət tullantılarını yerə atmağa məcburdurlar, bu isə əraziyə sahibsiz itlərin doluşmasına gətirir.
Faktla bağlı Binəqədi qəsəbə bələdiyyəsi məsələdən xəbərdar olduqlarını və səbəb kimi vətəndaş məsuliyyətsizliyini qeyd edib. Ancaq qısa zamanda məsələnin həlli istiqamətində işlərin görüləcəyi də əlavə olunub:
“İl ərzində həmin ərazidə vətəndaşlarla maarifləndirmə işləri aparılıb. Məişət tullantıları yığılıb və həmin ərazidə konteynerlər yerləşdirilib, meydançalar betonlanıb. Bu yaxınlarda da həmin əraziyə daha çox sayda məişət konteynerlərinin qoyulması Binəqədi Rayon Mənzil-Kommunal Təsərrüfatı Birliyi tərəfindən nəzərdə tutulub”, - Binəqədi qəsəbə bələdiyyə sədrinin müavini Elşad İsayev bildirib.
[caption id="attachment_72399" align="alignnone" width="640"]
Foto AzTv-nin rəsmi Youtube kanalı[/caption]
