Azərbaycan Yazıçılar Birliyinin (AYB) katibi, Xalq yazıçısı Çingiz Abdullayev AYB-nin XIII qurultayı üçün ayrılan vəsait məsələsinə öz münasibətini bildirib. Bu haqda bu gün, 27 oktyabr tarixində Bakuplus.az məlumat verir.
"Bu qədər adama bilet almışıq. Buranın icarə haqqını ödəmişik. Onları mehmanxanaya yerləşdirmişik, kitab çap etmişik. Bəs siz bilmirsiniz? Bu sözü məndən soruşmağa utanmırsınız?", - deyə yazıçı jurnalistlərin iddialarına cavab verib. Xalq yazıçısı vəsaitin təşkilati məsələlərə xərcləndiyini və hələ az olduğunu qeyd edib.
Bildirilir ki, dövlət büdcəsindən yazıçıların qurultayının keçirilməsi üçün AYB-yə 203 min manat pul ayrılıb. 35 ildir quruma sədrlik edən yazıçı Anar yenidən 5 il müddətinə sədr seçilib. Onun bu vəzifəyə təkrar seçilməsi bəzi namizədlərin narazılığına səbəb olub.
