Bakıdakı Şirvanşahlar sarayı yaxınlığında yıxılan turistə təcili tibbi yardım maşınının gec gəldiyi iddiaları sosial şəbəkələrdə yayılıb. Bu haqda bu gün, 11 oktyabr tarxində Oxu.az məlumat verib.
Cənubi Koreyadan olan turist yıxılaraq ayağından xəsarət alıb. Təcili yardım çağırılmasına baxmayaraq, çox gec gəlib, üstəlik, operator zərərçəkənlə kobud şəklində danışıb.
TƏBİB-dən bildirilib ki, dünən saat 16:33 radələrində Bakı Şəhər Təcili və Təxirəsalınmaz Tibbi Yardım Stansiyasına zəng daxil olub: “Çağırış 16:37-də operator tərəfindən briqadaya ötürülüb. Təcili tibbi yardım briqadası saat 16:58-də ünvana çatıb. Zəruri tibbi yardım göstərildikdən sonra şəxsin ixtisaslaşmış tibb müəssisəsinə təxliyəsi və hospitalizasiyası təmin olunub. Çağırışla bağlı səs yazısında operator tərəfindən hər hansı etik və ünsiyyət qaydalarının pozulması halına isə rast gəlinməyib”.
