Leyla Əliyeva daha bir həyətin açılışında, o cümlədən tədbir zamanı keçirilmiş ağacəkmə aksiyasında iştirak edib. Bu haqda BakuPlus.az Report-a istinadən bu gün, 3 noyabr tarxində xəbər verir.
Abadlıq işləri Suraxanı rayonu, Qaraçuxur qəsəbəsi, Yeni Günəşli “V” yaşayış massivi, 13, 14, 14A, 15, 16, 17, 18 ünvanlarında 2232 nəfər sakinin yaşadığı 7 çoxmərtəbəli yaşayış binasında həyata keçirilib.
Abadlaşdırılan növbəti həyətdə süni örtüklü minifutbol stadionu, şahmat meydançaları, müxtəlif idman qurğuları, uşaq meydançaları salınıb. Eyni zamanda ərazidə çoxsaylı söhbətgah və oturacaqlar, tullantılar üçün qutular, quş yuvaları və pişik evləri quraşdırılıb.
Bundan əlavə, yeni işıqlandırma dirəkləri, müşahidə kameraları quraşdırılıb, binaların fasad və blokları tam təmir olunub, asfalt və dam örtüyü, elektrik sistemi yenidən qurulub.
Mövcud yaşıllıqların bərpası ilə yanaşı, 2000-ə qədər müxtəlif cinsli ağaclar və 19000 ədəd kol əkilib, 2600 kvadratmetr ərazidə yaşıllıq zolağı salınıb.
Həyətin ətraflarında 1400 ədəd adi daşsarmaşığı və digər sarmaşan bitkilər əkilməklə “yaşıl sədlər” yaradılıb.
[caption id="attachment_77563" align="alignnone" width="640"]
Foto Report.az saytı[/caption]
