Ötən gecə Azərbaycan və Fransa prezidentləri arasında telefon danışığı olub. Bu haqda BakuPlus.az AzFront-a istinadən bu gün, 13 noyabr tarixində xəbər verir.
Liderlərin telefon danışığı barədə hər iki tərəf rəsmi açıqlama yayıb.
Aralarında hansı fərqlər var:
İ. Əliyevin mətbuat xidməti qeyd edir ki, “Makron prezidentə zəng edib”;
Fransızlar isə : “Ölkə başçıları arasında telefon danışığı olub...”.
Azərbaycan prezidentinin rəsmi saytında: “Prezident İlham Əliyev Ermənistanla Azərbaycan arasında münasibətlərin normallaşdırılması prosesində bitərəf, qərəzsiz və tarazlaşdırılmış yanaşmanın nümayiş etdirilməsinin vacibliyini qeyd edib..”.
Makronun mətbuat xidməti bu barədə susur.
Sonuncu sitat Azərbaycan xalqı adından Senata və Fransa xalqına Müraciətdə yer alan fikirlə səsləşir: “Fransanın birtərəfli mövqedən qurtulması və daha balanslı mövqe tutması çox vacibdir”. Petisiya formatında olan bu müraciət oktyabrın 11-də ümumfransız petisiya saytında yerləşdirilib. Noyabrın 9-da onun lehinə verilən səslərin sayı 100 mini keçib.
Noyabrın 11-də, yəni iki prezident arasında telefon danışığından bir gün əvvəl Azərbaycan Xarici İşlər Nazirliyinin saytında: “İctimai rəyə hər zaman həssas olduqlarını iddia edən soydaşlarımızın müraciətinə (Petisiya) və onların haqlı narazılıqlarına Fransa parlamentarilərindən reaksiyalar gözləyirik.
Makron Fransa Senatında hökuməti Azərbaycanı “kütləvi və hərbi cinayətlər”ə görə beynəlxalq qınaq tələb etməyə və Azərbaycandan neft və qaz idxalına Aİ miqyasında embarqo tətbiq etməyə çağıran qətnamə layihəsinin səsverməsinə iki gün qalmış Əliyevə zəng edib.
