“Palmali” şirkətlər qrupuna məxsus gəmilərindən biri şəhid Səbuhi Əhmədovun adını daşıyacaq. Bu haqda bu gün, 3 noyabr tarixində Bakuplus.az Mübariz Mənsimovun rəsmi Facebook səhifəsinə istinadən xəbər verir.
Sözügedən holdinqin rəhbəri Mübariz Mənsimov şəhidin qardaşı Sənan Əhmədovla telefon danışığı edib, onu gəminin adlandırma mərasiminə dəvət edib.
“Mənə 7/24 zəng edə bilərsiniz, nə lazımdırsa, biz sizin yanınızdayıq”, - deyə Mübariz Mənsimov danışıq zamanı bildirib.
O, Səbuhinin qardaşı Sənanın onun da qardaşı olduğunu və qardaşlarının adını dünyada tanıtdırmaq üçün əlindən gələni edəcəyini əlavə edib.
