Azərbaycan Milli Xalça Muzeyinin uşaq şöbəsi “Nənəmin sandığından fashion show” layihəsi çərçivəsində üç aylıq tədris proqramını bərpa edir. Bu haqda bu gün, 6 sentyabr tarixində BakuPlus.az Milli Xalça Muzeyinə istinadən xəbər verir.
Proqram 3 ay ərzində keçiriləcək.
Azərbaycan və rus dillərində aparılacaq dərslərdə iştirakçılar, bu dəfə Qarabağın milli geyimləri haqqında nəzəri biliklərə və praktiki bacarıqlara yiyələnəcəklər. Təlim proqramını bitirənlərə sertifikatlar veriləcək. Proqramın sonunda onların hazırladıqları geyimlərin nümayişi olacaq.
11-18 yaş arası qız və oğlanlar sentyabrın 30-dək layihəyə qeydiyyatdan keçməyə dəvət olunur. Layihə haqqında ətraflı məlumat almaq və qeydiyyatdan keçmək üçün əlaqə nömrələri: (+99450) 363 43 55, (+99455) 262 81 84.
