Paytaxtın Nəsimi rayonu, Hüseynbala Əliyev, 3, 5, 7 ünvanlarında abadlıq işləri bitmək üzrədir. Bu haqda bu gün, 27 dekabr tarixində Bakuplus.az rayon İcra Hakimiyyətinə istinadən xəbər verir.
Təmir-bərpa işləri çərçivəsində qurumuş ağaclar budanıb, əraziyə yeni su xətləri çəkilib, işıqlandırma sistemi yenilənib. Məhəllə boyu asfalt örtüyü vurulub, giriş qapıları və pəncərələri yeniləri ilə əvəz olunub.
Bundan əlavə, ərazidə söhbətgahlar quraşdırılıb, uşaq, idman və şahmat meydançaları yaradılıb. Həyətlərə yaşıllıqlar salınıb və həmişəyaşıl dekorativ ağaclar əkilib. Eyni zamanda həyətə mühafizə kameraları da quraşdırılıb.
Hazırda həyətdə son tamamlanma işləri aparılır.
[URIS id=84828]
