Bakının Nəsimi rayonunda “Abad həyət” sakinlərin istifadəsinə verilib. Bu haqda bu gün, 23 dekabr tarixində RİH məlumat verib.
1000-dən artıq sakinin yaşadığı A.Məhərrəmov küçəsi, 33, 33b və 35 saylı binaların əhatə olunduğu ərazidə abadlıq-quruculuq işləri başa çatıb.
Hazırlanmış layihəyə uyğun olaraq, 33 saylı binanın fasadı və dam örtüyü əsaslı təmir edilib, yağış sularını axıdan yeni borular quraşdırılıb, 4 ədəd giriş qapısı və 16 ədəd pilləkən qəfəsinin pəncərələri dəyişdirilib. Binanın giriş pilləkənləri aqlay daşla üzlənib.
Binanın həyətində pilləkən və panduslar quraşdırılıb, söhbətgah və oturacaqlar qoyulub, müxtəlif növ uşaq oyun elementləri və idman qurğuları quraşdırılıb. Sahibsiz itlər üçün damlar və quş yuvaları quraşdırılıb. 50 ədəd ağac və 450 ədəd mövsümi çiçək əkilib.
Həmçinin məhəllədə yeni yaşıllıq zolağı salınıb, mövcud yaşıllıqlara və ağaclara aqrotexniki qaydada qulluq göstərilib.
[URIS id=84354]
